Ապակենտրոնացված համագործակցության հայ-ֆրանսիական համաժողով

Ապակենտրոնացված համագործակցության հայ-ֆրանսիական համաժողովների նպատակը Հայաստանի եւ Ֆրանսիայի միջեւ միջտարածաշրջանային եւ միջհամայնքային կապերի ամրապնդմանն ու խորացմանը նպաստելն է:

Հայաստանի եւ Ֆրանսիայի միջեւ ապակենտրոնացված մակարդակով բավական լայն համագործակցություն է առկա: Երկու երկրների քաղաքների միջեւ որոշակի փոխգործակցություն է եղել դեռեւս Հայաստանի անկախացումից առաջ, սակայն այն նոր թափ է ստացել անկախ Հայաստանի օրոք՝ հատկապես 1996թ. տեղական ինքնակառավարման ներկայիս համակարգի ներդրումից հետո:

Ապակենտրոնացված համագործակցությունը տարեցտարի ավելի է ընդլայնվում` ընդգրկելով նոր տարածաշրջաններ ու համայնքներ, ինչպես նաեւ ստանալով նոր որակ: Համաժողովները հնարավորություն են ընձեռում կողմերին գնահատել փոխգործակցության առկա մակարդակն ու նախանշել համագործակցության զարգացման ու խորացման հեռանկարները: Դրանք նաեւ լավ հնարավորություն են ստեղծում փորձի փոխանակման, համատեղ նախագծերի քննարկման, նոր շփումների հաստատման համար:

Ապակենտրոնացված համագործակցության առաջին համաժողովը տեղի է ունեցել 2010թ-ին Երեւանում (տե’ս այստեղ), երկրորդը` 2013թ. Ֆրանսիայի Վալանս քաղաքում(տե’ս այստեղ):

Ապակենտրոնացված համագործակցության երրորդ համաժողովը տեղի է ունեցել 2016թ-ին՝ Երևանում(տես՝ այստեղ):